Руската Федерација мора веднаш да престане со злосторствата во Украина, да ги повлече своите вооружени сили, платеници, нивното оружје и опрема од територијата на Украина и да ги ослободи сите незаконски осудени граѓани на Украина, вклучувајќи ги и Рамзи Бекиров, Риза Изотов, Шабан Умеров, Раим Ајвазов и Фарход Базаров, информираат од Амбасадата на Украина во Северна Македонија.
Изјавата на Министерството за надворешни работи на Украина Ви ја пренесуваме интегрално:
„Министерството за надворешни работи на Украина изразува протест во врска со неоснованата, политички мотивираната одлука на Јужниот окружен воен суд во г. Ростов-на-Дон од 10 март 2022 година да осуди на затворска казна петмина украински државјани според измислени обвиненија во случајот на таканаречената „втора симферополската група „Хизб ут-Тахрир“.
Заедно со тековните цинични и варварски убиства на украински цивили, бомбардирањето на украинските градови и други населени места, редовното нарушување на договорот за отворање на хуманитарни коридори, уништувањето на критичната инфраструктура, заземањето на украинските нуклеарни централи и нивниот персонал,Руската Федерација ја продолжува срамната практика на политички прогон на украинските граѓани кои се незаконски приведени на привремено окупираните територии на нашата држава.
Со судска одлука осудени се граѓанскиот новинар на „Кримска солидарност“ Ремзи Бекиров и активистот за човекови права Риза Изотов – на 19 години затвор, Шабан Умеров – на 18 години, Раим Ајвазов – на 17 години, а Фарход Базаров – на 15 години.
Наведените државјани на Украина беа приведени на 27 март 2019 година од страна на руските безбедносни сили на територијата на привремено окупираната Автономна Република Крим за време на масовни претреси и приведувања, а последователно со целосно непочитување на основните правила на меѓународното хуманитарно право илегално пренесени се во Русија во г. Ростов-на-Дон, неоправдано обвинети од руската страна, меѓу другото, за учество во активности на терористичка организација.
Непочитувањето на доказите од страна на судиите за невмешаноста на обвинетите во инкриминирачките дела, како и недопуштањето на територијата на РФ на адвокатите и роднините за учествуво во судењето за време на изрекувањето на пресудата, е уште еден доказ за политичката мотивација на одлуката за затворање на украинските граѓани.
Руската Федерација мора веднаш да престане со злосторствата во Украина, да ги повлече своите вооружени сили, платеници, нивното оружје и опрема од територијата на Украина и да ги ослободи сите незаконски осудени граѓани на Украина, вклучувајќи ги и Рамзи Бекиров, Риза Изотов, Шабан Умеров, Раим Ајвазов и Фарход Базаров.
Руската Федерација и нејзиното воено-политичко раководство мора да снoсат одговорност за сите меѓународно незаконски дејствија извршени во Украина, кршење на меѓународното хуманитарно право и масовни злосторства врз цивили.
Ја повикуваме меѓународната заедница да го осуди тековното кршење на меѓународното хуманитарно право од страна на Русија во Украина, долгогодишната употреба на политички прогон на украинските граѓани кои не се согласуваат со окупацијата и да ги зајакне санкциите против Руската Федерација и нејзиното политичко раководство.
Ги повикуваме нашите партнери порешително да ја поддржат Украина, која денес ја штити Европа од ширењето на „рускиот мир“ и руската агресија по цена на илјадници животи. Затворањето на небото над Украина и зајакнувањето на системот за противвоздушна одбрана на нашата земја ќе помогне што поскоро да се стави крај на хуманитарната катастрофа предизвикана од вооружената агресија на Русија врз украинскиот народ.“
