Најмалку 52 лица ги загубија животите во Њу Делхи во интензивниот топлотен бран, јавија денеска локалните медиуми.
Според Тајмс оф Индија, најмалку 52 тела биле донесени во болниците во изминатите два дена, главно сиромашни луѓе кои живееле и работеле на отворено.
Во Индија беа регистрирани повеќе од 40.000 случаи на топлотен удар ова лето и најмалку 110 потврдени смртни случаи од 1 март до 18 јуни, кога северозападниот и источниот дел на Индија забележаа двојно повеќе денови со топлотни бранови вообичаени за сезоната.