ВМРО-ДПМНЕ се единствените кои се против ЕУ и НАТО, против сигурна и стабилна иднина на државата, регираат од СДСМ на соопштение за јавност на ВМРО-ДПМНЕ во кое ја обвинуваат власта дека ништо не направила во последните три години во однос на интеграциите.
„ВМРО-ДППМНЕ и Христијан Мицкоски не само што навиваат државата да не започне прегвори со ЕУ, туку и работат против напредокот, против реформите.
Целиот демократски свет го признава правиот пат на кој е државата, само Мицкоски и ВМРО-ДПМНЕ стојат отстрана и се обидуваат да ја вратат државата назад во режим, изолација и неизвесност.
Колку и да не им се допаѓа на ВМРО-ДПМНЕ и Мицкоски, ниту еден нивен обид нема да ја загрози иднината во ЕУ и НАТО. Северна Македонија е на прав пат, се остваруваат децениските стратешки интереси.“, се вели во реакцијата.
