Израелската војска денеска објави дека погодила неколку ирански позиции во близина на Дамаск и соопшти дека го извршила ударот со „голем обем“ како одговор на ракета испукана вчера од Голанската висорамнина, пренесе МИА.
Сириските државни медиуми објавија дека загинале двајца цивили.
Израелската војска соопшти дека нејзините бомбардери пукале врз повеќе позиции на иранската елитна единица Кудс, вклучувајќи складиште за оружје и воени бази. Израелската војска исто така соопшти дека уништила неколку сириски противвоздушни ракети.
Израел тврди дека вчерашниот ракетен напад од Голанската висорамнина бил „дополнителен доказ за целта на иранското присуство во Сирија“.
Сириската државна телевизија јави дека двајца цивили загинале во денешните израелски воздушни напади во близина на Дамаск.
