Глумицата Џулија Ормонд ќе има една од улогите во третата ТВ-серија со наслов „Живи мртовци“ (The Walking Dead), соопшти продукциската куќа АМЦ, пренесе МИА.
– Почестени сме што ја имаме Џулија во нашата екипа. Благодарен сум на талентот, грациозноста, интелектот и хуморот што таа ги донесе на снимањето, изјави Скот М. Гимпл, еден од авторите.
Ормонд е првото звучно име во екипата. Досега се знаеше дека другите улоги ги глумат Анет Махендру, Алија Ројал, Нико Торторела…
Третата серија ќе носи наслов „The Walking Dead: World Beyond“ и ќе почне да се прикажува наредната 2020 година.
