Палестинското движење Хамас денеска го поддржа палестинскиот претседател Махмуд Абас и неговата одлука да го одбие планот на американскиот претседател Доналд Трамп за Блискиот Исток. Лидерот на Хамас, Исмаил Ханија изјави дека оваа група, која е на власт во Појасот Газа, ја поддржува „ цврстата позиција“ на Абас и го отфрла мировниот план на Белата куќа.
Ханија ги повика сите палестински фракции да ги остават настрана своите несогласувања и да се обединат против планот на Трамп, јавија американските медиуми.
Абас најави итен состанок на Западниот брег, по објавувањето на планот на Трамп, на кој се повикани и претставниците на Хамас.
Планот на Трамп за Блискиот Исток повикува на создавање палестинска држава со престолнина во Источен Ерусалим, но од Палестинците се бара да ги прифатат условите кои претходно не беа подготвени да ги разгледаат, како што се еврејските населби на Западниот брег.
Претседателот на САД, Доналд Трамп денеска го претстави блискоисточниот мировен план што неговата администрација го разработи со цел регулирање на конфликтот меѓу Израел и Палестина.
Во заеднички настап со израелскиот премиер Бенјамин Нетенјаху во Белата куќа, Трамп изјави дека „Израел денеска прави голем чекор на патот кон мир“.
Тој истакна дека е задоволен со постигањата на државата Израел и стремежот да не се повторат трагичните страни од историјата на еврејскиот народ.
-Сите во Израел сакаат мир, изјави Трамп.
Според планот на администрацијата, Ерусалим останува неделлива престолнина на Израел. Додека на Палестинците им се дава историска шанса да создадат независна држава.
Говорејќи за судбината на Палестина, претседателот истакна дека станува збор за декади на неисполнети ветувања. Тој спомна дека САД издвоиле 50 милијарди долари помош за потребите на идната палестинска држава.
Од тој аспект, ја истакна важноста на борбата со сиромаштијата како еден од аспектите на палестинскиот проблем. Но и неопходноста да се запрат терористичките организации и да се надмине омразата кон Израел во регионот.
Ја истакна и тешката состојба на младите на Блиски исток, кои, според него, влегуваат во живот без надеж, и САД имаат намера да се исправи состојбата на овој план.
-Дојдено е време да се исправат грешките направени од арапските земји во 1948 година и да го признаат Израел, наместо да го напаѓаат, заклучи Трамп.
Сепак, планот за регулирање на израелско-палестинскиот конфликт претхдно беше отфрлен од Палестинците.
Според планот, границите на Израел се очекува да се прошират со сувереитет над Јорданската долина. За ветените 50 милијарди долари, од Палестинците се бара да се разоружат и да го признаат Израел.
Според познавачите, претставувањето на планот има неколку цели, а најважната е подобување на разнишаната позиција на Нетанјаху дома, против кого тамошното обвинителство покрена кривично дело за корупција.
Во својот настап, Нетанјаху изрази благодарност до Трамп и неговата администрација за реализиација на мировниот план.
Тој упати поддршка за акциите на САД на Блискиот исток, вклучувајќи ги мерките за запирање на Иран и посебно акцијата со убиството на иранскиот генерал Касем Сулјемнаи.
