Во зградата на поштата во холандскиот град Амстердам одекнаа две експлозии, а полицијата се сомнева дека станува збор за писмо-бомби.
Утринава две експлозии го потресоа холандскиот град, а како што пренесува британската новинска агенција „Ројтерс“, во експлозиите никој не бил повреден. На лице место веднаш пристигнале полициски сили, пожарникарски и екипи на итна помош.
Како што пренесуваат холандските медиуми, до втората експлозија дошло половина час после првата. Холандската полиција соопшти дека истражува повеќе мистериозни пакети со експлозиви кои биле испратени во неколку компании.
In een bedrijf op de #Bolstoen in Amsterdam Sloterdijk heeft vanmorgen een explosie plaatsgevonden, vermoedelijk door een #bombrief. Er is een explosievenverkenner van de politie opgeroepen. Ook brandweer- en ambulancepersoneel is ter plaatse. via https://t.co/QpxBiNCLkF pic.twitter.com/lSc53RR0SP
— Robby Hiel (@PersburoUNN) February 12, 2020
Инаку, до инцидентот дојде откако пет холандски компании со седиште во Амстердам, Ротердам и Утрехт примија писмо-бомби во текот на минатиот месец. За среќа, ниту една од бомбите не експлодираше.
