Изградбата на клучката кај ТИРЗ Прилеп, инвестиција од 4 милиони евра е во завршна фаза, истакнува министерот за транспорт и врски Горан Сугарески.
Со овој проект, додава Сугарески овозможуваме подобри услови за влез на нови компании во оваа зона и директно придонесуваме за отворање на нови работи места за Прилепчани.
„Инвестициите во Прилеп и Прилепско надминуваат 100 милиони евра.
Продолжуваме…“ вели министерот Сугарески
Kлучка кај ТИРЗ Прилеп e на две нивоа и ќе се овозможи едноставно и безбедносно вклучување и исклучување на магистралниот пат Прилеп – Битола. Вкупната должина на пристапните патишта до зоната е околу 2,8 километри или вкупната инвестиција е од околу 4 милиони евра.
„Овој проект е од огромно значење за ТИРЗ-Прилеп заради обезбедување на соодветни услови за сегашните и идни инвеститори во зоната, сè со цел да им се овозможи брз и навремен траспорт на нивните производи. Нашата цел како Влада е да овозможиме подденакви услови за сите инвеститори, да создадеме услови за што повеќе отворање на нови работни места. Затоа силно сме фокусирани на изградба на квалитетна патна и железничка инфраструктура која ќе овозможи конкурентни услови во регионот.“, потенцира министерoт за транспорт и врски Горан Сугарески.
