Техничкиот премиер Оливер Спасовски, во пост на Фејсбук ги истакна зафатите околу рехабилитација и подобрување на досега 13 основни и средни училишта и најави дека работата продолжува во уште 8 основни и средни училишта во вредност од скоро 12 милиони денари.
Училиштата се основното скалило за здрави и напредни генерации.
Приоритет на Владата предводена од СДСМ е вложување во подобри услови за подобри училишни денови.
Завршена е рехабилитација на 13 основни и средни училишта, во вредност од речиси 70 милиони денари, а во тек е за уште 8 основни и средни училишта во вредност од близу 12 милиони денари.
Како модел за сите идни и за реконструкција на постоечки училишта е новото училиште „Киро Глигоров” во Центар, градено по највисоките современи стандарди со квалитетни услови за нашите млади, како и училиштето „Вера Јоциќ“ во Гази Баба, а во тек е изградба на новото современо основно училиште „Димитар Македонски” во Лисиче.
Влог во нашите деца, нашите ученици е влог во нашата иднина, стои во Фејбук постот на Спасовски.
А. Н. С.
