Пожар избувна утрово во катедралата Св. Петар и Павле во градот Нант, западна Франција, јави дописникот на МИА.
Пожарот не е под контрола, беснее во целосна сила, соопшти противпожарната служба, која добила сигнал во 7.44 часот.
Катедралата Свети Петар и Павле во Нант е една од најголемите готски катедрали во Франција. Нејзината изградба започнала во 1434 година и траела 457 години – до 1891 година./МИА/
