Владата на денешната 77-ма седница ја разгледа и усвои Информацијата за пристапување на Република Северна Македонија кон европската рамковна програма за истражување и иновации „Хоризонт Европа“ (2021-2027).
Како што соопшти владината прес-служба, Министерството за образование и наука е задолжено до крајот на август 2020 да изготви и достави писмо за изразување интерес за пристапување на земјава кон Рамковната програма на Европската Унија за истражување и иновации „Хоризонт Европа“./МИА/
