Веќе се гледаат контурите на новата влада, иако сѐ уште нема официјални податоци за поделбата на ресори. Едно е сосема јасно, Зоран Заев доби полн четиригодишен мандат. Тој ќе води Влада со очигледна амбиција во овој мандат да се посвети на домашните теми, со посебен фокус на економијата и правдата.
Во секој момент се очекува да се распрснат сите шпекулации и зајадливи коментари како меур од сапуница. Иако се очекуваше дека ДУИ ќе добие несразмерен колач од ресорите во владата, Заев во преговорите успеа да воспостави избалансиран состав на влада, соодветен на основната програмска ориентација и ветувања. Тој, со ваков состав на владата добива ветер во грбот.
Ексклузивно дознаваме дека СДСМ ги добива клучните ресори: премиер, вицепремиер за економски прашања, вицепремиер за европски прашања, правда, транспорт и врски, внатрешни работи, образование, труд и социјална политика, здравство, култура, локална самоуправа, земјоделство и одбрана.
Во финалето на преговорите кои траеја далеку помалку од предвидениот уставен рок од 20 дена. Заев и СДСМ уште еднаш манифеестираат сериозен коалиционен капацитет и способност за политички маневар со кои се обезбедуваат извесност, сигурно владеење и простор да се испорачаат резултатите дома.
Во преговорите, како што се дознава, Заев покажал доблест и самостојно им отстапил на ДУИ 100 дена премиерска позиција пред следните парламентарни избори. Тоа значи дека нема веќе Пржинска Влада, нема веќе вештачки решенија како што беше еден Наќе Чулев или, пак, Рашела Мизрахи, со гротескни и исто толку деструктивни постапки во текот на најделикатните месеци од годината кога земјата беше соочена со тешките последици од епидемијата од коронавирусот.
Исто така, ДУИ во текот на преговорите биле принудени да се согласат на исклучително важните принципи како што се транспарентност и одговорност повеќе од било кога порано.
Решението кое се споменува за Министер за финансии од редовите на ДУИ е Фатмир Бесими, човек кој важи за близок соработник на Зоран Заев, со тоа СДСМ не губи ништо, а државата добива квалитетен кадар.
Џ. Дерала
