Премиерот Зоран Заев со честитки до новоизбраниот претседател на САД Џо Бајден.
„Честитки за новоизбраниот претседател Џо Бајден и потпретседателката Камала Харис! Сигурен сум дека ќе продолжиме да ги развиваме одличните односи кои ги имаме со САД и да го продлабочуваме нашето сојузништво во НАТО, но и на сите полиња. Иднината пред нас е светла!“, објави на ФБ премиерот Заев.
Како што објавија американските медиуми, Џо Бајден ќе стане 46-от претседател на Соединетите држави. Тој со победата во Пенсилванија, државата каде што е роден, ги обезбеди потребните 20 изборни гласови сега има 273 изборни гласови, колку што се потребни за победа.
Ј. Ѓ.
