Приемот на Северна Македонија во НАТО е резултат на долгогодишна силна и заемно корисна соработка, со решителност и посветеност на владините реформи во Северна Македонија, што доведе до зајакнување на безбедноста на земјата. Реизбраниот премиер Заев беше во седиштето на НАТО. Ова беше важна можност за обележување на историското достигнување на Северна Македонија. Северна Македонија се приклучи како суверена држава во силен Сојуз, со столче на нашата маса и еднаков глас во обликувањето и донесувањето на нашите одлуки.
Ова во дел од интервју за „Europеan western balkans“ го вели Баиба Браже, помошник на генералниот секретар на НАТО за јавна дипломатија, запрашана за станувањето на Македонија полноправна членка на НАТО.
На прашањето како полноправното членство на Македонија во НАТО, придонесува за стабилноста на Балканот, Браже истакна дека како полноправна членка, С. Македонија продолжува да дава значителен придонес во напорите за соработка во безбедноста на многу различни боишта.
„Има војници кои служат во Авганистан како дел од мисијата на Одлучна поддршка на НАТО за обука, советување и помагање на авганистанските сили. Исто така, учествува во колективен напор за поддршка на нивната финансиска одржливост преку придонес во Фондот за доверба на НАТО за авганистанската армија. Таа, исто така, скоро се приклучи на мировната мисија на Косово.“, вели Браже.
Со приемот во НАТО, С. Македонија од безбедносен консумент, стана контрибутор на безбеднос. Ова е важно достигнување и за С. Македонија и за НАТО, истакна Браже.
Таа нагласува дека набргу по пристапувањето, Северна Македонија беше во можност да го искуси она што значи да се биде дел од НАТО со тоа што стана еден од сојузниците на кои им треба поддршка кога КОВИД-19 ја погоди земјата и додава дека глобалната пандемија јасно стави до знаење дека во вакви времиња, пријателите и сојузниците се поважни од кога било.
Северна Македонија не остана сама за време на кризата со коронавирусите.
„Центарот за итни координација на НАТО обезбеди навремена и координирана помош таму каде што беше ефективно потребна, без дуплирање на работата, преку испорака на медицински материјали и финансиска помош за олеснување на државниот здравствен систем и спасување животи. Кон крајот на октомври, Северна Македонија доби пакет помош COVID-19 од новите медицински резерви на НАТО, кој вклучуваше 60 респиратори и друга опрема итно потребна во вредност од околу 1,4 милиони евра. Ова, се разбира, доаѓа како додаток на поддршката и помошта што сојузниците веќе и ја дадоа на Северна Македонија. Како што рече генералниот секретар на НАТО, Јенс Столтенберг: „Ова е солидарност на НАТО на дело“.“, истакна Браже во интервјуто.
Ј. Ѓорѓиоски
