Мислам дека ја користиме секоја прилика со храбрите одлуки коишто ги донесе оваа земја да се остварат стратешките цели на државата. И се гордеам што сум дел од таа генерација на политичари коишто направија се да се остварат стратешките цели на оваа држава, а тоа се членството во НАТО и членството во ЕУ, изјави генералниот секретар на СДСМ, Љупчо Николовски во одговор на прашањето дали ќе се свика Централен одбор по најавата на Црвенковски дека ќе го замрзне своето членство во партијата.
– Оваа генерација има одговорност да ја внесе државата во структурите за коишто се бориме со децении, тоа се НАТО и ЕУ, истакна генералниот секретар на СДСМ.
Имаме сериозна одговорност, вели тој, да ги придвижиме работите и да направиме се што е во наша можност да се оствари првата меѓувладина конференција, да започнат долгоочекуваните преговори со ЕУ со заштитен македонски јазик, со потврда на македонски идентитет, во рамки на сите меѓународни институции. Така што државата се движи во тој правец.
