Непознати лица ја испишале со графити куќата на претседателката на Претставничкиот дом на САД, Ненси Пелоси и фрлиле свинска глава пред нејзината врата, објави телевизијата „Фокс њуз“.
Меѓу натписите на гаражната врата во нејзиниот дом во Сан Франциско се гледа прецртана сумата „2K$“ (2.000 долари еднократно за секој Американец предложени од демократите како помош за време на пандемијата), како и „Повлечето го плаќањето кирија!“, „Сакаме сè!“ и „Универзален минимален приход“.
Оставени се и симболите на антихристите – круг со буквата А во него.
Според локалните медиуми, пред куќата била фрлена свинска глава и разлеана вештачка крв. Крвта била измиена, а вратата е запечатена со црна лента.
Претходно, Конгресот прифати, а претседателот Доналд Трамп одобри предлог-закон за стимулирање на економијата со 900 милијарди долари. Шефот на државата тогаш побара на Американците да не им се исплатат договорените 600 долари по лице, туку 2.000 долари. Демократите сметаа дека тоа е можност да го достават соодветниот предлог-закон до Претставничкиот дом.
Сепак, републиканците одбија да гласаат само за ова прашање, поврзувајќи го со другите барања на Трамп, кои се неприфатливи за демократите. Како резултат на тоа, тие беа обвинети од нивните противници за намерно наметнување нереални барања кои не беа поврзани со прашањето за поддршка на даночните обврзници.
