Обединетите Арапски Емирати денеска објавија дека ја отвораат можноста за доделување државјанство на одредени категории странци кои придонесуваат за „развој и просперитет на државата“, потег што е многу редок во земјите од Заливот. Информацијата на Твитер ја објави премиерот на сојузот на седум емирати и на Дубаи, шеикот Мохамед бен Рашид Ал-Мактум.
„Ние прифативме амандман со кој им се доделува државјанство на ОАЕ на инвеститори, надарени луѓе меѓу кои се научници, лекари, инженери, уметници, писатели и нивни семејства“, објави Шеик Мохамед.
Измената на законот им овозможува на кандидатите да го задржат, покрај емиратот, државјанството стекнато при раѓање.
Со таа одлука, Емиратите се обидуваат да обезбедат придонес на натурализираните граѓани во „развојот и просперитетот на земјата“, се вели во соопштението на владата.
Ова е ретка можност во областа на Персискиот Залив каде монархиите сериозно ја ограничуваат можноста на странците да добијат државјанство.
Странците го сочинуваат огромното мнозинство на населението во Обединетите Арапски Емирати.
