Вицепремиерот за борба против корупцијата, Љупчо Николовски се огласи на социјалните мрежи, по трите дена одмор, во кој што отсуствуваше од јавни настапи. Тој објави дека имал работен состанок со партиската Централната изборна комисија на СДСМ.
„Сè е подготвено за првите директни внатрепартиски избори коишто на 21 март, ги организира токму СДСМ. Во 80 општини ширум земјава, во секоја Општинска организација на СДСМ, в недела ќе бидат отворени гласачките места. Со почитување на сите здравствени протоколи, македонските социјалдемократи бираат Претседател“, напиша Николовски на Фејсбук, додавајќи дека време е за нови политики и нов чекор во уште поголема внатрешна демократија.
СДСМ е и ќе биде прва во промените! – напиша Николовски.
