Јапонскиот производител на автомобили „Тојота“ на 14 дена ќе го прекине производството во фабриката во близина на чешкиот град Колин, поради недостиг од чипови, соопшти денеска агенцијата ЧТК.
Прекинот во производствениот процес во оваа филијала на јапонскиот гигант во автомобилската индустрија почнува од 22 март, јави чешката агенција.
Недостигот на чипови се припишува на лошите временски услови во Северна Америка, додава агенцијата.
Во фабриката во близина на Колин, на околу 50 километри источно од главниот град Прага, „Тојота“ произведува мали автомобили за европскиот пазар. Во неа се произведуваат околу 200.000 автомобили годишно, а дел од нив се за францускиот партнер ПСА, што до недоамна беше нејзин ко-сопственик. /МИА/
