Британскиот премиер Борис Џонсон денеска објави дипломатски бојкот на Зимските олимписки игри во Пекинг 2022 година.
Џонсон рече дека ниту еден министер од неговата влада нема да оди на Игрите.
– Навистина ќе има дипломатски бојкот на Зимските олимписки игри во Пекинг, рече Џонсон, додавајќи дека „бојкотот на спортот“ не е политика на неговата влада.
Освен Велика Британија, дипломатски бојкот на Игрите во Пекинг прогласија и САД и Австралија, поради загриженоста за човековите права.
Зимските олимписки игри ќе се одржат од 4 до 20 февруари 2022 година во Пекинг. /МИА/
