Синдикатот за в недела најави протести, кога конгреси одржуваат двете најголеми партии СДСМ и ВМРО ДПМНЕ. Синдикалците излегуваат пред Парламентот и Стопанската комора.
-ССМ на 12.12 ќе одржи протест и намерно во недела во контекст на Законот за неработна недела. Според законот 92 отсто нема да работат в недела, а оние кои ќе работат в недела ќе добиваат за 50 отсто поголема дневница, додека моловите ќе издвојуваат 2 отсто дополнителен данок. Излегуваме пред Собранието и пред Стопанска комора. Причината е игнорантскиот однос од Собранието каде што овој закон е заглавен. Втора причина е што на сите поскапувања, сакаме минималната плата да расте додека другите плати се порамнуваат. Ние сакаме платите да растат. Просечната плата расте според побарувачка на пазарот, но не се земаат предвид колективните договори? Третото барање е К-15. Работниците не може да се делат на приватен сектор и јавен сектор, треба да земаат сите работници. Не можеме да ги исклучиме образоваието и здравството на пример, вели претседателот на ССМ, Дарко Димовски за Утрински брифинг.
Димовски вели дека четврто барање на ССМ се однесува на пензионирањето. ССМ сметаат дека треба да се воведе и предвремено пензионирање, но и пензионирањето да се врзе за стаж без оглед на возраста поради истрошеност на работниците.
-Протест е искажување незадоволство вон работно време, а штрајк е изразување незадоволство за време на работно време. Ние веќе подготвуваме штрајкувачки одбори. Кога ќе се штрајкува ќе одлучат одборите кои го слушаат гласот на работниците, вели Димовски.
Прашање е зошто комисијата за труд не функционира кога функционираат сите други собраниски комисии.
