Претседателот на Украина Володимир Зеленскиj го поддржа предлогот на Министерството за надворешни работи на Украина за прекин на дипломатските односи меѓу Украина и Руската Федерација. По наредба на Претседателот на Украина, Министерството за надворешни работи на Украина покрена постапка за прекин на дипломатските односи во согласност со меѓународното право.
Нашата држава презеде таков чекор како одговор на чинот на вооружена агресија на Руската Федерација против Украина, инвазијата на руските трупи за уништување на украинската држава, насилното заземање на украинската територија и воспоставувањето на окупациска контрола.
Нагласуваме дека руската офанзивна операција е напад врз суверенитетот и територијалниот интегритет на Украина, грубо кршење на Повелбата на ООН и основните норми и принципи на меѓународното право.
Украина прогласува за прекин на дипломатските односи со Русија без прекин на конзуларните односи, во согласност со член 2 од Виенската конвенција за конзуларни односи од 1963 година. Ќе продолжиме да ги браниме правата и интересите на Украинците во Русија, вклучувајќи ги и украинските политички затвореници.
Министерството за надворешни работи на Украина, исто така, го отповика во Кијив вршителот на должноста на Украина во Руската Федерација Васил Покотил за одржуваење на консултации и започна со евакуација на украинската Амбасада во Москва.
Конзуларните претставништва на Украина на територијата на Руската Федерација во моментов продолжуваат да работат со полно работно време.
