Фудбалерите на Ајнтрахт ја елиминираа Барселона во четвртфиналето на Лига Европа, а освен поразот на Каталонците, болен е и фактот што на трибините на „Камп Ноу“ имаше околу 30.000 навивачи на германскиот клуб.
Навивачите на германскиот клуб ја окупираа каталонската престолнина, а во четвртокот вечерта на Ноу Камп ги имаше околу 30.000.
Frankfurt fans SHOWED UP to the Camp Nou ?️ pic.twitter.com/9XOH2Hin3e
— B/R Football (@brfootball) April 14, 2022
Според правилата на УЕФА, 5.000 билети добија гостите од Франкфурт.
Тренерот на Барселона, Чави, по поразот од 3:2 (вкупно 4:3 во два меча), истакна дека очекувал неговиот тим да има поддршка од 70.000 навивачи и најави истрага од каде дошле толку многу гостински навивачи на стадион.
„Атмосферата не ни помогна. Впечаток беше дека играме со подеднакво поделени навивачи. Клубот проверува што се случило. Тоа беше грешка од наша страна. Денеска го очекував „Камп Ноу“ со 70.000 навивачи на Барса, но не беше така“, рече Чави.
Erst wurde hier Filip Kostic gefeiert (Material kommt), jetzt nimmt Hinti das Stadion gemeinsam mit den Fans auseinander ?
Einfach nur: ?
–––––#FCBSGE 2:3 | #SGEuropa pic.twitter.com/pyna5ZMOLw— Eintracht Frankfurt (@Eintracht) April 14, 2022
Би сакал да му честитам на Ајнтрахт бидејќи тие тоа го заслужуваат, рече Чави и додаде дека целта во остатокот од сезоната е Барселона да се пласира во Лигата на шампионите.
Претседателот на Барселона, Жоан Лапорта беше уништен по елиминацијата во четвртфиналето од Лига Европа, но впечаток е дека многу повеќе го повреди погледот на трибините на мечот со Ајнтрахт.
„Тоа што се случи на трибините е срам и не смееме да го повториме. Не можевме да победиме. Сите сме тажни и лути поради поразот, но тој мора да се прифати. Се срамам од тоа што се случи на трибините. Тоа беше понижувачко. Ќе ги преземеме сите мерки на тој план“, изјави Лапорта.
Тимот од Франкфурт во полуфиналето ќе се сретне со Вест Хем.
Ј. Ѓ.
