„ВМРО-ДПМНЕ нека блокира, ние ќе работиме. Ако сакаат повторно нека не истепаат како на 25 декември или 27 април, но ниту тогаш, ниту сега ќе не спречат да работиме во интерес на граѓаните и државата“ рече потпретседателот на СДСМ, Стефан Богоев во „24 анализа“ на ТВ24.
Тој додаде дека граѓаните се свесни и без илузии дека блокадата на Собранието не е добра и дека таа е само на штета на граѓаните и државата.
„Нема проблем, тие нека блокираат, ние ќе продолжиме да работиме и да ги санираме штетите од кризите со кои се соочува целиот свет и кои се најголеми по Втората светска војна. Ќе продолжат проектите од витално значење, кои државата ќе ја направат крстосница и главен коридор за желзнички и патен сообраќај, но и главен транзит и корсник на природен гас“ рече Богоев.
Тој додаде дека Владата предводена од СДСМ одговорно и стратешки ќе се погрижи за имплементација на овие инвестиции.
Д. Е.
