Во Иран се уапсени пет лица под обвинение дека биле дел од наводната израелска шпионска мрежа, објавија денеска иранските медиуми.
Тоа е второ апсење шпиони во Иран во рок од една недела. Лидерот на мрежата и четворица негови соработници се уапсени поради што биле „поврзани со израелскиот режим“ и наводно во контакт со шефот на израелската разузнавачка агенција Мосад, за која „собирале информации од важни и витални области“.
Полуофицијалната Иранска работничка новинска агенција (ИЛНА) објави дека шпионска мрежа е обвинета за подметнување пожар и била обучена да врши терористички акти и саботажа, а за своите активности добивала пари и поседувала „напредна опрема“, мобилни телефони и сим-картички.
Не е соопштена националноста на осомничените шпиони./МИА/
