Поранешниот британски министер за финансии Риши Сунак денеска потврди дека се кандидира за премиерската функција по оставката на Лиз Трас.
Велика Британија е одлична земја, но ние се соочуваме со длабока економска криза. Toа е причината зошто се кандидирам за лидер на Конзервативната партија и за ваш нов премиер, напиша тој на Твитер.
The United Kingdom is a great country but we face a profound economic crisis.
That’s why I am standing to be Leader of the Conservative Party and your next Prime Minister.
I want to fix our economy, unite our Party and deliver for our country. pic.twitter.com/BppG9CytAK
— Rishi Sunak (@RishiSunak) October 23, 2022
Сунак загуби од Трaс во трката за наследник на Борис Џонсон минатиот месец, по поразот на изборите што ги одржаа членовите на Конзервативната партија низ земјата.
Дури и пред да го изјави тоа денес, Сунак доби поголема поддршка од конзервативните пратеници отколку неговите ривали – поранешната министерка за одбрана Пени Мордаунт и Џонсон, кој се уште не ја објавил својата кандидатура. Сунак ја напушти владата на Џонсон во јули, што помогна да предизвика бунт против него.
Ќе има интегритет, професионализам и отчетност на секое ниво на владата што јас ќе ја предводам и ќе работам од ден на ден за да ја завршам работата. Барам од вас шанса да помогнам во решавање на нашите проблеми, додаде Сунак.
