Украинскиот претседател Володимир Зеленски денеска изјави дека Русија се приближува до неуспех и казна по последните напади врз Украина.
– Со секој напад терористичката држава е поблиску до неуспех и казна, истакна Зеленски.
Тој додаде дека рускиот терор мора да добие и ќе добие „фер одговор од Украина и светот“.
– Руското зло може да се запре со оружје – нашите бранители го прават тоа. И тоа може да биде запрено со санкции – глобалните санкции мора да се зајакнат, напиша Зеленски на Твитер.
Another night of 🇷🇺 terror. Missiles and UAVs. 10 residential buildings are damaged in Uman. The entire block of one of them is destroyed. As of now: 7 dead, there are wounded. 🇷🇺 evil can be stopped by weapons – our defenders are doing it. And it can be stopped by sanctions –… pic.twitter.com/KwWuRMj7iS
— Володимир Зеленський (@ZelenskyyUa) April 28, 2023
Според официјални податоци на Украина, најмалку 12 лица загинаа во синоќешните руски напади врз неколку украински градови. Украинските сили соопштија дека собориле 21 крстаречка ракета и две беспилотни летала над Киев и други градови во земјата.
Најмалку 10 лица загинаа во Умањ, централна Украина, каде руски проектили погодија станбени згради, соопштија локалните власти.
Една жена и нејзината тригодишна ќерка се убиени во градот Дњепар, изјави градоначалникот.
Засега нема информации за жртви од последните напади во Киев.
