Јапонија и Јужна Кореја денеска воведоа санкции против поединци и компании од Северна Кореја кои учествувале во развојот на нуклеарната и ракетната програма на таа земја.
Јапонија воведе санкции против три компании и четири лица вклучени во развојот на севернокорејската нуклеарна и ракетна програма, соопшти јапонското Министерство за надворешни работи, пренесуваат британските медиуми.
Министерството за надворешни работи на Јужна Кореја, пак, соопшти дека вовело санкции против пет севернокорејски поединци и една компанија поради ракетната програма на земјата.
