Завршена е ждрепката за Лигата на шампионите, а во четврт-финалето ќе има интересна пресметка помеѓу Реал Мадрид и Манчестер Сити.
Покрај споменатиот натпревар ќе има и многу квалитетен фудбал, а останатите двојки се:
Арсенал – Баерн
Атлетико Мадрид – Борусија Дортмунд
ПСЖ – Барселона
Термините на одигрување се 9 и 10 април, додека реваншите се една недела подоцна.
Беше направена и ждрепката и за полуфиналето. Во горниот дел од ждрепката се Арсенал и Баерн, како и Манчестер Сити и Реал Мадрид. Долниот дел од ждрепката го сочинуваат дуелите меѓу Атлетико и Борусија, како и ПСЖ и Барселона.
Финалето на Лигата на шампионите е закажано за 1 јуни на стадионот Вембли во Лондон.
Познати се двојките и од четврт-финалето во Лига Европа. Леверкузен ќе игра против Вест Хем, а најголемиот ривал на Леверкузен за титулата, Ливерпул, ќе игра против Аталанта. Германскиот и англискиот клуб нема да можат да се сретнат до финалето.
Милан – Рома
Леверкузен – Вест Хем
Ливерпул – Аталанта
Бенфика – Марсеј
The quarter-finals are set! 😍
Most exciting tie?#UELdraw pic.twitter.com/s70kFqKjOH— UEFA Europa League (@EuropaLeague) March 15, 2024
Четвртфиналните натпревари се закажани за 11 април, додека реваншите се седум дена подоцна.
Во првото полуфинале подобриот од дуелот помеѓу Бенфика и Марсеј ќе игра против Ливерпул или Аталанта, додека второто полуфинале ќе го сочинуваат подобриот од мечот Леверкузен – Вест Хем, или Милан – Рома.
Финалето на Лига Европа ќе се одигра во Даблин на 22 мај.
Познати се и паровите од третото по ред европско натпреварување. Во битката за полуфинале ќе се сретнат:
Бриж – ПАОК
Олимпијакос – Фенербахче
Астон Вила – Лил
Пилсен – Фиорентина
The quarter-finals are confirmed ✅
What’s the most exciting fixture? 👇#UECL || #UECLdraw pic.twitter.com/d36PdS0d4d
— UEFA Europa Conference League (@europacnfleague) March 15, 2024
Датумот на одигрување на првите четвртфинални натпревари е 11 април, додека реваншите се играат седум дена подоцна. Полуфиналните натпревари ќе се играат на 2 мај, а реваншите на 9 мај.
Финалето ќе се игра во „ОПАП Арена“ на 29 мај.
