Најтрофејниот македонски фудбалски клуб Вардар објави промена во сопственичката структура.
Во штурото соопштение објавено на социјалната мрежа Икс се наведува дека нов сопственик на Вардар е Атила Бижен Жалили од Унгарија, во чија сопственост преоѓаат 85 отсто од акциите на клубот.
„Од 07.10.2024-та, по претходно потпишан договор, заверен со нотарски акт UZP 6630/2024, од страна на новиот сопственик Атила Бижен Жалили преземени се 85% од акциите на АД ФК Вардар-Скопје, а со тоа и управувачкиот пакет на друштвото“, соопшти Вардар.
Во клупското соопштение се додава дека со промената на сопственичката структура „следува финансиска, организациска и резултатска консолидација на ФК Вардар“.
