Идната прва дама на САД Меланија Трамп по победата на нејзиниот сопруг Доналд на претседателските избори во САД изјави дека мнозинството Американци им ја довериле „оваа важна одговорност“.
The majority of Americans have entrusted us with this important responsibility.
We will safeguard the heart of our republic – freedom. I anticipate the citizens of our nation rejoining in commitment to each other and rising above ideology for the sake of individual liberty,…
— MELANIA TRUMP (@MELANIATRUMP) November 6, 2024
„Ќе го заштитиме срцето на нашата република, слободата. Очекувам дека граѓаните на нашата земја повторно ќе се посветат еден на друг и ќе се издигнат над идеологијата заради индивидуалната слобода, економскиот просперитет и безбедноста“, напиша Меланија Трамп на платформата X.
Таа додаде дека верува дека „американската енергија, вештина и иницијатива ќе ги спојат најдобрите умови“ за да ја унапредат американската нација.
Републиканецот Доналд Трамп ја победи кандидатката на Демократската партија Камала Харис на претседателските избори во САД во вторникот, откако ги освои потребните 270 електорски гласови.
Според најновите проекции на АП, Трамп освоил 295 електорски гласови, а Камала Харис 226 електорски гласови.
