Тренерот на Ливерпул, Арне Слот е задовоелн од играта на неговите фудбалери во триумфот над Манчестер сити (2:0) вчеравечер во натпреварот од 13. коло на Премиер лигата.
– Беше речиси совршен натпревар. Поради бројот на пропуштени шанси на крајот малку стравувавме, но можеби тоа е добра работа за вакви натпревари. Така треба да биде. Но, поубаво би било да го постигневме вториот гол порано, истакна Слот за „Скај Спорт“.
Тренерот на Манчестер сити, Пеп Гвардиола го оцени влијанието на повредите врз резултатите на неговиот тим.
Манчестер сити го загуби петтиот првенствен натпревар по ред и е без победа во 7 последователни натпревари во сите натпреварувања.
– Немавме претсезонски тренинзи и потоа имавме повреди, но свесни сме за тоа и мора да се справиме со тоа. Се боревме, но не создадовме многу шанси. Како тренер, седам овде и го бранам она што го постигнавме во минатото поради нив [играчите] и повеќе од кога било сакам да ги гушнам и да бидам тука за нив. Мора да ги промениме резултатите и во вистинско време ќе донесеме одлука. Пред натпреварот реков дека не сме во ситуација да размислуваме за нашите цели, но сезоната е долга. Мора да размислуваме за постигнување резултати и кога ќе се вратат некои играчи ќе бидеме подобри и можеби ќе почнеме да си веруваме. Имаме за што да се бориме и ќе се обидеме, изјави Гвардиола.
Манчестер сити по 13 кола е на 5. место во Премиер лигата со 23 бода, 11 помалку од лидерот Ливерпул.
Ливерпул ја освои четвртата победа во низа во Премиер лигата. Екипата на Арне Слот постигна 34 бода и води на првенствената табела. На второто место се Арсенал и Челзи со по 25 бодови.
Ј. Ѓ.
