Дебарската каратистка Сара Дука, донесе бронзен медал за македонската репрезентација, на Балканското првенство што се одржува во Будва.
– Сара Дука освои бронзен медал на Балканско првенство за сениори во Будва, Црна Гора. Многу горд на овој резултат. По многу труд и пожртвуваност успеавме да го донесеме првиот балкански медал во сениорска категорија, објави на Фејсбук Дурим Пачуку, тренер на карате клубот “Дибра” и тренер на македонската репрезентација.
Тој посакува и се надева на уште добри резултати на македонските каратисти.
Балканското првенство почна денес и ќе трае до недела.
