Авион „Боинг 787-8 дримлајнер“ на индиската компанија „Ер Индија“, кој леташе за Њу Делхи, денеска се врати во Хонг Конг како мерка на претпазливост, откако пилотот се посомневал во технички проблем, изјави добро информиран извор за Ројтерс.
Изворот рече дека авионот моментално се проверува. Според „Флајтрадар24“, авионот се вратил на аеродромот во Хонг Конг откако бил во воздух нешто повеќе од еден час.
Инцидентот се случува неколку дена откако авион на „Ер Индија“ од ист тип кој леташе за Лондон се урна во западниот индиски град Ахмедабад, кратко по полетувањето, при што загинаа 241 од 242 лица во авионот, а пријавени се и 29 жртви на земја.
