Поп ѕвездата Кејти Пери (41) и поранешниот канадски премиер Џастин Трудо (53) официјално се појавија заедно како пар, потврдувајќи ги гласините за нивната романса.
Двојката беше забележана во Париз на 25 октомври, кога ја прославија роденденската вечер на пејачката со романтична посета на прочуениот кабаре театар Crazy Horse Paris, пренесува TMZ. Папарацо-фотографи ги уловија како си заминуваат насмеани и држејќи се за раце.
Само две недели претходно, на концерт во Лондон, Пери шеговито се осврна на шпекулациите за нејзиниот љубовен живот, одговарајќи на натпис од публика со зборовите:
„Слушнав дека сум слободна? Интересно… Требаше да ме прашаш пред 48 часа!“ — со што очигледно алудираше дека веќе е во врска.
Првите траги од нивната блискост се појавија во летото, кога беа фотографирани на јахта и на вечера во Канада, по концертот на Пери во Монтреал, на кој Трудо беше меѓу публиката и пееше на нејзиниот хит Firework.
Пејачката неодамна се раздели од актерот Орландо Блум, со кого беше во врска девет години и има ќерка, Дејзи Дав. Двојката во јули соопшти дека се посветува на заедничко родителство.
И Трудо се раздели од сопругата Софи Грегуар Трудо во август 2023 година, по 18 години брак, и имаат три деца.
