Во интервју за подкастот Arlene Is Alone, Софи Грегоар Трудо првпат отворено проговори за врската на поранешниот канадски премиер Џастин Трудо со пејачката Кејти Пери и за тоа како се справува со вниманието што следи по нивниот развод во 2023 година.
„Луѓе сме, работите нè допираат“
Иако водителката Арлин Дикинсон директно не го спомена името на Кејти Пери, алудираше на „јавната природа на сè што Џастин прави“ по разделбата. Софи одговори со метафора која привлече внимание.
„Ние сме човечки битија и работите нè допираат“, рече таа. „Како реагирате на работите е ваш избор. Јас избирам да слушам музика наместо бучава.“
Таа додаде дека во овој период е целосно фокусирана на личниот раст. „Жената во која се претворам низ ова – тоа е моја одлука.“
Заедничкото родителство останува приоритет
Софи и Џастин имаат три деца – Ксавиер (18), Ела-Грејс (16) и Хадриен (11). Таа нагласи дека разводот не значи дека семејството функционира разделено.
„Дефинитивно не сум самохрана мајка“, истакна. „Имам партнерство со татко кој ги сака своите деца и им е достапен.“
Објасни дека иако живеат одвоени животи, семејството им е заедничка точка на поврзаност.
„Имаме одделни животи, но имаме еден семеен живот. Потребна е заедничка, свесна одлука: ‘Нашето семејство е нашата најголема креација и ќе го негуваме заедно, без разлика на различните патишта по кои одиме’.“
На крај додаде: „Не е секогаш лесно, но е многу зрело.“
Прочитајте и…
(ВИДЕО) Кејти Пери и Џастин Трудо ја потврдија врската со појавување во Париз
