Околу 23 милиони деца ширум светот ја пропуштија задолжителната вакцинација во 2020 година – 3,7 милиони повеќе отколку во 2019 година и најмногу од 2009 година, според податоците објавени од Светската здравствена организација и УНИЦЕФ, јави ДПА.
Повеќето земји забележаа пад на задолжителните вакцини за деца минатата година. До 17 милиони деца веројатно не примиле ниту една вакцина во текот на годината, се вели во соопштението на организациите.
Најпогодени области се Југоисточна Азија и Источен Медитеран, покажуваат податоците.
– Додека земјите се обидуваат да добијат пристап до вакцини против Ковид-19, изгубен е напредок во однос на другите имунизации, ставајќи ги децата во опасност од разорни, но болести што можат да се спречат, како што се сипаници, детска парализа или менингитис, рече генералниот директор на СЗО Тедрос Аданом Гебрејесус.
извор: МИА
