Вработените во општинските служби во Лос Анџелес стапија во 24-часовен штрајк поради „злонамерно договарање на владини претставници за условите на новиот (колективен) договор.
Неколку илјади градски работници, вклучително и механичари, спасувачи и работници во јавниот транспорт, протестираа пред градското собрание и на меѓународниот аеродром во Лос Анџелес, обвинувајќи ја градската управа за нефер третман за време на работните преговори.
-Градските работници се клучни за функционирањето на услугите за милиони граѓани на Лос Анџелес и за нашата локална економија, рече градоначалничката на Лос Анџелес Карен Бас.
Таа додаде дека работниците заслужуваат фер договори, а градот секогаш ќе биде достапен за преговори. Станува збор за уште еден масовен штрајк во вториот по големина град во САД во последните неколку месеци, откако претходно штрајкуваа холивудските писатели и актери.
