Двајца полицајци се повредени по силна експлозија што се случи синоќа пред зградата на полицијата во северниот дел на Берлин, соопшти денеска берлинската полиција.
– Околу 20 часот и 20 минути во близина на нашата полициска станица 12 во Витенау се случи сериозен безбедносен инцидент во кој при рутинска безбедносна патрола беа повредени колегите, а еден од нив се здоби со тешки повреди, се вели во соопштението на полицијата.
Според прелиминарната истрага, експлодирал непознат предмет, при што на еден полицаец му биле нанесени сериозни повреди на лицето и окото, додека друг полицаец претрпел траума.
