Талибанската влада го забрани интернетот во делови од северен Авганистан за да „спречи неморални активности“, соопштија талибанските власти.
Ова е прва ваква забрана за интернет откако талибанците ја презедоа власта во Авганистан во 2021 година.
Талибанците им забранија на девојчињата да одат во средно училиште, а на жените да работат во многу сектори.
Забраната се однесува на пет провинции – Кундуз, Бадакшан, Баглан, Такар и Балх – на северот од земјата, кои ги вклучуваат населените центри на регионите.
Се однесува на сите интернет врски преку оптички кабли, соопштија официјални лица.
Ќе биде достапен пристап до интернет преку мобилни телефони, рекоа тие.
-Оваа мерка е преземена за да се спречат неморални активности, се вели во соопштението, додавајќи дека ќе бидат обезбедени алтернативи за основните потреби.
Поранешниот американски амбасадор во Авганистан, Залмај Калилзад, рече дека забраната е апсурдна.
-Ако вистинската причина за загриженост е порнографијата, како во многу исламски земји, таа лесно може да се блокира со филтри. Многу земји во исламскиот свет го прават токму тоа, рече тој.
