Актерот Том Холанд (29) беше хоспитализиран поради лесен потрес на мозокот, повреда што ја доби за време на снимање на новиот филм „Spider-Man: Brand New Day“. Инцидентот се случи на 19 септември 2025 година во Leavesden Studios близу Лондон (Watford), како резултат на каскадно сценарио кое тргнало наопаку, пренесува магазинот People.
Холанд бил пренесен во болница каде што му било укажано итно лекување, а причината била несреќен пад и удар во глава.
Како мерка на претпазливост, снимањето е прекинато неколку дена, за да може Холанд да се опорави.
Дури и покрај повредата, тој се појавил на хуманитарна вечер заедно со неговата свршеница Zendaya, но ја напуштил порано бидејќи не се чувствувал добро.
Филмот „Spider-Man: Brand New Day“ е најавен да се прикаже на големите екрани во јули 2026 година.
