Едно лице загина, а две се повредени во сообраќајна несреќа што ноќеска после полноќ се случи на регионалниот пат Прилеп – Ропотово, пренесе Алсат М.
Како што се наведува во полицискиот билтен:
На 28.10.2019 во 00.35 часот на регионалниот пат Прилеп – с.Ропотово, патничко моторно возило „пежо 307“, со прилепски регистарски ознаки, управувано од Б.К.(27) од Прилеп, излетало од коловозот и се превртело. Во незгодата возачот починал на местото на несреќата, а со телесни повреди се здобиле сопатниците Ф.Б.(27) и О.Д.(18) и биле пренесени во Општата болница Прилеп за укажување на лекарска помош. Извршен бил увид од Јавен обвинител и екипа од Полициската станица Прилеп.
