Во центарот на Скопје вечерва се одржува протестен Марш за чист воздух #ЗеленаРеволуција, преку кој се бара ефикасност од надлежните институции во борбата со загадувањето на воздухот, пренесе МИА.
Организатори се граѓански активисти од Скопје, Битола, Тетово, Гостивар, Струмица, Ново Село, Струга, Охрид и други градови и населени места. Имаат, како што изјавија на почетокот на маршот што почна пред зградата на Министерството за животна средина и просторно планирање, 250 барања во однос на екологијата до сите надлежни институции со конкретни рокови.
Еколошките активисти очекуваат вечерва да се покаже заедништво, како што нагласија, за подобра иднина на нашите деца.
Како дел од 12. жешки еколошки точки, го потенцираа проблемот со хемискиот отпад во фабриката Охис, што, според нив, е еден вид атомска бомба на само четири километри од Скопје. Кон тоа премногу сериозно прашање, укажаа, сите влади досега се однесуваат ноншалнтно.
Маршот на граѓанските организации почна пред Министерството за животна средина и просторно планирање и ќе заврши пред Владата.
Фотографиите се објавени на ФБ страницата од настанот Марш за чист воздух – #ЗеленаРеволуција.
https://www.facebook.com/skopjesmogalarm/videos/2990104491215360/UzpfSTExMTQ1NjI3NzUzODIyNDg6MTMwNDM2ODY4NjQwMTY1NQ/
