Гори студентски комплекс во Украина, можно е да се урнат зградите

Голем пожар зафати една зграда во рамки на универзитетскиот комплекс во Одеса, Украина. Објектот кој е зафатен од огнот можно е да падне, јавуваат светските агенции.

Огнот зафати површина од околу 1.000 метри квадратни, јави Спутник Интернешнал, а за сега огнот се шири и постои опасност да паднат повеќе згради, соопштија од канцеларијата за вонредни ситуации.

Познато е дека во пожарот повредени се најмалку десетмина, јавија локалните медиуми.

„Сите напори за огнот да се стави под контрола се во тек. Од 11.20 часот по локално време, пожарот зафати околу илјада квадрати и постои огромна опасност од уривање на структурите, но и од понатамошно ширење на пожарот“, соопштија спасувачките екипи преку Фејсбук.