Најмалку три лица се повредени во пожар што изби во еден луксузен хотел во главниот град на Грција.
Локалните власти соопштија дека пожарникарите евакуирале 20 луѓе од хотелот, а користеле скали за да им помогнат на луѓето при евакуацијата.
Се уште не е позната причината за пожарот, ниту колку луѓе имало во хотелот, пренесе АП.
Пожарникарите соопштија дека интервенираат со 35 луѓе, 12 возила, а успеале огнот делумно да го стават под контрола.
Чадот можел да се види од повисоките катови на хотелот.
