Драгана Велковска, активистка за заштита на животни и животна средина и советничка во Советот на Град Скопје од „Левица“ ги повика граѓаните да излезат на „Маршот за нашите животи“ кој ќе започне во 17 часот пред Министерството за животна средина и просторно планирање, а во 18 часот ќе продолжи пред Владата.
Она што е јасно од овие (нешто повеќе од) две години мандат на актуелната локална власт е дека не е на ниво на задачата и не е кадарна да обезбеди услови за живот со кои ќе се гарантира благосостојбата на скопјани. На овој град му се неопходни луѓе на клучни позиции кои на прво место го ставаат јавниот интерес,не бизнис-интересите и/или партиските интереси. Недозволиво е ставовите на политичарите да зависат од фотелјите кои им се платени со пари од граѓаните“, вели таа во повикот и додава:
„Да бидеме истрајни во своите барања! Да се избориме за она што е наше. Да не дозволиме повторно да бидеме жртви на партија за која нашите животи се безвредни. Правото на здрава животна средина ни е уставно загарантирано право. Секој од нас има моќ да менува, да ја искористиме таа моќ“.
