Утрово во земјава најстудено било во Берово со измерени – 10 степени целзиусови, и Маврово и Скопје – Петровец, со измерени – 8 степени, а најтопло во Дојран каде биле измерени 2 степени над нулата.
Времето денеска ќе биде сончево со мала локална облачност, ќе дува слаб, а по должина на Повардарието умерен ветер од северен правец. Максималната температура ќе биде во интервал од 7 до 12 степени.
Во Скопје, времето ќе биде сончево со мала до умерена облачност и со слаб до умерен северозападен ветер, со максимална температура до 8 степени.
Висината на снежната покривка во Маврови Анови била 12 сантиметри и во Попова Шапка 2 сантиметри.
