За огромна пофалба е одличната реализација на капиталните инвестиции преку Агенцијата за финансиска поддршка на земјоделството и руралниот развој, потенцира генералниот секретар на СДСМ и поранешен министер за земјоделство шумарство и водостопанство Љупчо Николовски.
Реализирани се 99,7% од капиталните мерки со што инвестициите во земјоделството и руралниот развој се на неприкосновеното прво место.
718 милиони денари завршија во:
Поддршка на младите земјоделци;
Набавка на добиток со високогенетски карактеристики;
Нови системи за наводнување;
Подигање на нови овошни насади;
Поддршка за модернизација на механизацијата во задругите;
Финансиска поддршка за Локалните акциони групи;
Изградба и реконструкција на брани и акумулации;
Нова модерна рурална инфраструктура;
Водоводни и канализациони мрежи во руралните средини;
Уредување на зелени пазари;
Ваквата реализација на капитални мерки и проекти, известува Николовски, е најсилен доказ дека Владата, Министреството за земјоделство шумарство и водостопанство и Агенцијата за финансиска поддршка во земјоделството и руралниот развој, во изминатата 2019-та година посветено работеа на модернизирање на македонскиот аграр преку обезбедување на финансиска поддршка за секој земјоделец и забрзан развој на водостопанската и руралната инфраструктура.