Триесетгодишниот Петар Рупески од Варош, по петти пат го фати Светиот крст во Охрид. Прв пат крстот го фатил во 2005 година.
Осветувањето на водите на Охридското Езеро кое го спроведоа великодостојници на Дебарско-кичевската епархија го следеа десеттина илјади луѓе, православни верници од Охрид и од други делови на Македонија.
Техничкиот премиер, Оливер Спасовски, по повод големиот христијански празник Богојавление Водици ќе присуствува на чинот на свеченото фрлање на крстот во Кочанска река. Спасовски во Кочани ќе биде придружуван од министерот за земјоделство, шумарство и водостопанство, Трајан Димковски и пратеникот Сашко Костов.По повод верскиот празник Богојавление Водици, министерка за одбрана, Радмила Шекеринска, министерката за финансии, Нина Агеловска и заменикот министер за култура, Владимир Лазовски ќе присуствува на светиот чин на фрлањето на крстот во реката Вардар, Скопје, на Камениот мост, местото викано „Слобода“.
Настанот за одбележување на големиот верски празник Богојавление-Водици и годинава се одржа во организација на Дебарско – кичевската епархија во соработка со локалната самоуправа, а со поддршка на јавните претпријатија, Црвен крст, нуркачкиот центар „Амфора“.
Настанот го следат неколку илјади охриѓани и гости од земјава и странство.
