ЦУКС известува дека поради реализација на проектот „Подобрување на инфраструктурата за одведување на отпадни води“, поточно изградба на фекален колектор на реката Вардар, на дел од булеварот „Србија“ ќе биде воведен времен сообраќаен режим.
Измената на режимот на сообраќај ќе почне да важи од понеделник 27.01.2020 година, а со градежни активности ќе биде опфатен потегот од к-ца со бул. „Јане Сандански“ и „Видое Смилевски Бато“ до крстосницата со бул. „АСНОМ“, во едната насока на движење, од Аеродром кон населба Автокоманда.
Времениот режим на сообраќај ќе биде поставен на крајната десна и средна сообраќајна лента на еден дел од булеварот, а сообраќајот ќе се движи само по крајната лева сообраќајна лента во посочениот правец.
Центарот апелира до сите учесници во сообраќајот да бидат внимателни и да ја прилагодат својата брзина на движење според условите на патот.
